JADIDLARNING MILLIY UYG‘ONISHDAGI TUTGAN O‘RNI

Abstract

Jadidlarning milliy uyg‘onishdagi tutgan o‘rni Turkiston tarixida alohida ahamiyatga ega. XX asr boshlarida yuzaga kelgan jadidchilik harakati o‘zbek xalqining siyosiy, madaniy va ijtimoiy hayotidagi eng muhim islohotlar jarayonini boshlab bergan edi. “Jadid” so‘zi arabcha bo‘lib, “yangi”, “yangilik tarafdori”, “islоhotchi” degan ma’nolarni anglatadi. Jadidlar o‘zlarini eski, samarasiz ta’lim va tashkiliy tizimlarga qarshi turgan, jamiyatni yangilashga intilgan ziyolilar deb bilganlar. Ular millatni zamonaviy bilimlar bilan qurollantirish, uyg‘otish va taraqqiyot sari yetaklashni asosiy maqsad qilib oldilar.