ЧЕГАРА ОЛДИ САВДО-САНОАТ ЗОНАЛАРИНИНГ НАЗАРИЙ АСОСЛАРИ

Abstract

Чегара олди савдо-саноат зоналари (ЧССЗ; cross-border trade-industrial zones) — икки ёки ундан ортиқ давлатлар чегараси яқинида ташкил этиладиган, божхона ва солиқ имтиёзлари, соддалаштирилган маъмурий тартиботлар ҳамда инфратузилма концентрацияси орқали савдо, саноат ва логистика фаолиятини жадаллаштиришга мўлжалланган махсус иқтисодий маконлардир. Ушбу ҳудудлар “махсус иқтисодий зоналар” (МИЗ), “эркин савдо зоналари” (FTZ), “чегаралараро ҳамкорлик зоналари” (CBEZ) каби форматларни ўз ичига олади. Халқаро адабиётларда уларнинг ҳуқуқий мақоми, институционал тузилиши ва иқтисодий таъсирини тавсифлашда турли қиёсий ёндашувлар мавжуд1.